मराठी बातम्या

  1. कोहिनूर मिल आर्थिक गैरव्यवहार प्रकरणी महाराष्ट्र नवनिर्माण सेनेचे अध्यक्ष राज ठाकरे आज (गुरुवार) ईडीच्या कार्यालयात चौकशीसाठी हजर राहणार आहेत. या कारवाईविरोधात बंद तसेच इतर पद्धतीने विरोध करण्याचा इशारा मनसेने दिला होता. मात्र, राज ठाकरे यांनी शांतता बाळगण्याचे आवाहन कार्यकर्त्यांना केले.
  2. महाराष्ट्र नवनिर्माण सेनेचे अध्यक्ष राज ठाकरे यांची कोहिनूक आर्थिक गैरव्यवहार प्रकरणी ईडीच्या कार्यालयात चौकशी सुरू आहे. ईडीने त्यांना चौकशीसाठी बोलावले असले तरी याचा अर्थ त्यांना अटक होणारच असे नाही, असे वक्तव्य राज्याचे गृहराज्यमंत्री दीपक केसरकर यांनी केले आहे. शिवसेना पक्षप्रमुख उद्धव ठाकरे यांनी कालच 'ईडीच्या चौकशीतून काहीच निष्पन्न होणार नाही', असे वक्तव्य करत राज यांना अप्रत्यक्षपणे पाठिंबा दर्शवला होता.
  3. कोहिनूर स्क्वेअर प्रकरणी चौकशीसाठी मनसे अध्यक्ष राज ठाकरे ईडीच्या कार्यालयात सहकुटुंब दाखल झाले आहेत. राज ठाकरेंनी कार्यकर्त्यांना शांततेचं आवाहन केलं असलं तरी, खबरदारी म्हणून ईडीच्या कार्यालयाबाहेर कडक पोलीस बंदोबस्त ठेवण्यात आला आहे. कायदा व सुव्यवस्थेचा प्रश्न निर्माण होऊ नये म्हणून पोलिसांनी मनसेचे पदाधिकारी आणि २०० हून अधिक कार्यकर्त्यांना ताब्यात घेतलं आहे.
  4. काँग्रेसचे नेते आणि माजी केंद्रीय मंत्री पी. चिदंबरम यांना काल रात्री सीबीआयने अटक केली. चिदंबरम यांच्या अटकेनंतर पंतप्रधान नरेंद्र मोदींच्या भाषणाचा एक व्हिडिओ सोशल मीडियावर प्रचंड व्हायरल होत आहे. लोकसभा निवडणुकीपूर्वी दिलेल्या भाषणात मोदींनी भ्रष्टाचाऱ्यांना तुरुंगात टाकण्याचं आश्वासन दिलं होतं.
  5. कोहिनूर गैरव्यवहार प्रकरणाचा तपास ईडीच्या अधिकाऱ्यांमार्फत सुरू आहे. याच प्रकरणी चौकशीसाठी राज ठाकरे यांना ईडीतर्फे समन्स बजावण्यात आले असून, त्यानुसार आज, गुरुवारी सकाळी ११ वाजता राज ठाकरे ईडी कार्यालयात चौकशीसाठी हजर राहणार आहेत.
  6. हरयाणातील करनालमध्ये मानवतेला काळिमा फासणारी घटना घडली आहे. अनैतिक संबंधांच्या संशयावरून अल्पवयीन मुलगा आणि महिलेला जमावानं बेदम मारहाण केली, तसंच चपलांचा हार घालून त्यांची संपूर्ण गावातून धिंड काढली. दोघांना गावाबाहेर काढण्याचे फर्मानही पंचायतीने सोडले. या प्रकरणी पीडित अल्पवयीन मुलाच्या वडिलांनी पोलिसांत तक्रार दाखल केली आहे.
  7. अभिनेत्री राखी सावंत हिनं काही दिवसांपूर्वी सिंदूर आणि मंगळसू्त्र परिधान केलेले तिचे फोटो सोशल मीडियावर शेअर केले आणि लग्न केल्याचे जाहीर केले. यावेळी राखीनं खरचं लग्न केलंय आणि तिचा सुखी संसार सुरू झालाय असा विश्वास बसत असतानाच तिच्या लग्नात सार काही आलबेल नसल्याच्या चर्चांना उधाण आलंय.
  8. कोहिनूर मिल आर्थिक गैरव्यवहारप्रकरणी महाराष्ट्र नवनिर्माण सेनेचे अध्यक्ष राज ठाकरे चौकशीला सामोरे जाण्यासाठी मुंबईतील ईडीच्या कार्यालयाकडे सहकुटुंब रवाना झाल्यानंतर सामाजिक कार्यकर्त्या अंजली दमानिया यांनी राज ठाकरे यांची खिल्ली उडवली आहे. राज ठाकरे सहकुटुंब सहपरिवार ईडीच्या चौकशीला निघाले आहेत का सत्यनारायणाच्या पूजेला?, असा सवाल दमानिया यांनी केला आहे.
  9. प्लिपकार्ट या ई-कॉमर्स कंपनीने मोबाइल विकत घेणाऱ्या ग्राहकांसाठी सुरक्षा प्लान लाँच केला आहे. या प्लानला 'कम्पलीट मोबाइल प्रोटेक्शन' (cpm) हे नाव देण्यात आले आहे. या प्लानच्या अंतर्गत ग्राहकांना मोफत ब्रँड अधिकृत रिपेअर किंवा बदली करुन मिळेल.